सोलापूर महानगर पालिकेत 'बसपा'चा महापौर आरूढ होणार - बसपा प्रदेशाध्यक्ष अँड.संदीप ताजने यांचा दावा

 

सोलापूर महानगर पालिकेत 'बसपा'चा महापौर आरूढ होणार - बसपा प्रदेशाध्यक्ष अँड.संदीप ताजने यांचा दावा

मुंबई ( राज्य रिपोर्टर ) : सर्वसमावेशक,सर्वजन हितकारक विकासासाठी सोलापूर महानगर पालिकेत आगामी महापौर हा बहुजन समाज पार्टीचाच आरूढ होईल.फुले-शाहु-आंबेडकरांच्या विचारधारेने पावन आणि पुरोगामी झालेल्या महाराष्ट्राला जातीचे नाही, तर 'नीती'चे राज्य बनवण्याचे काम केवळ बसपाच करू शकते. सोलापूर महापालिकेच्या निवडणुकीत यामुळे यंदा बसपाचे ४० नगरसेवक निवडून येती, असा दावा बसपाचे प्रदेशाध्यक्ष अँड.संदीप ताजने यांनी आज,शनिवारी केला. सोलापूर येथे आयोजित 'संवाद यात्रे'च्या कार्यक्रमातून त्यांनी  उपस्थित कार्यकर्ते आणि पदाधिकाऱ्यांना निवडणुकीच्या तयारीला लागण्याचे निर्देश दिले. महाविकास आघाडीच्या काळात  होणाऱ्या भोंगळ कारभारावरही त्यांनी टिकास्त्र सोडले.

सोलापूर महानगर पालिकेत बसपाचे यापूर्वी ४ नगरसेवक निवडून आले होते.पंरतु,यावेळी उत्तम संघटन कौशल्य असलेले कार्यकर्ते आणि पदाधिकाऱ्यांच्या जोरावर महापालिकेत बसपा स्वबळावर निवडणूक लढवणार आहे. वॉर्डनिहाय संघटनात्मक रचना कार्यान्वित करण्याचे निर्देश त्यांनी यावेळी कार्यकर्त्यांना दिले. राज्यात इतर मागासवर्गीय बांधवांचे हक्काचे राजकीय आरक्षण असो अथवा अनुसूचित जाती,अनुसूचित जमातीच्या बांधवांना देण्यात येणारे पदोन्नती आरक्षणाचा प्रश्न असो.महाविकास आघाडी सर्वच पातळीवर फोल ठरली आहे.जनतेचा राज्य सरकार विरोधात असलेला रोष संवाद यात्रेतून दिसून येत आहे.

अशात सर्वजनांसाठी बसपा एकमेव पर्याय आहे.सर्वांनी बहन मायावतीजींच्या नेतृत्वात बसपाच्या झेंड्याखाली एकत्रित आले, तर सर्व प्रश्न सुटतील,असा दावा देखील अँड.ताजने यांनी केला. आता पक्षाची ताकद सत्ताधार्यांना दाखवण्याची वेळ आली आहे. आगामी निवडणुकांमधून.