गुरे चारणाऱ्या इसमावर वाघाचा हल्ला इसम गंभीर जखमी
▪️वनविभागाच्या वतीने रुग्णावर उपचार सुरू
चंद्रपूर ( राज्य रिपोर्टर ) : अलीकडे वन्यजीव व मानव संघर्षात वाढ झाली आहे मानवाने आपल्या गरजाच्या पूर्तता करण्यासाठी जंगल नष्ट करण्याचा प्रयत्नात असतात त्यामुळे वन्य प्राणी मानवी वस्तीत येऊन मानवावर हल्ला करण्याच्या अनेक घटना घडल्या आहे अशाच प्रकारची घटना काल २० सप्टेंबरला मूल तालुक्यातील चिचपल्ली वनपरिक्षेत्रात घडली मूल,दहेगाव नियतक्षेत्राअंतर्गत येणा-या कवडपेठ येथील श्री. दिवाकर ढिवरू भेंडारे वय ५० वर्ष हा दिनांक २० सप्टेंबर २०२१ रोजी कवडपेठ गावालगत असलेल्या कक्ष क्र. ५१७ मध्ये गुरे चारत असताना दुपारी अंदाजे ३:३० ते ४:०० वाजताच्या दरम्यान वाघाने हल्ला करून दिवाकर भेंडारे यांना किरकोळ जखमी केले.
सदर व्यक्तीला गावातील गुराखी यांनी उपचारासाठी तात्काळ उपजिल्हा रूग्णालय मूल येथे प्राथमिक उपचार करूण घेण्यासाठी आणण्यात आले. प्राथमिक उपचार करून पुढील उपचाराकरीता वनपरिक्षेत्र अधिकारी चीचपल्ली कु.प्रियांका वेलमे मॅडम यांच्या नेतृत्वात क्षेत्रसहायक प्रशांत खणके,यांनी स्वतःहा पुढाकार घेऊन वनरक्षक राकेश गुरनुले, यांच्या सहकार्याने जखमी रूग्णाला चंद्रपूर येथे हलविण्यात आले. उपजिल्हा रूग्णालयात प्राणी मित्र उमेशसिंह झिरे व इतर प्राणीमित्र यांचेसह वनरक्षक फाॅरेस्ट गार्ड मानकर व गावकरी उपस्थित होते. जखमी रूग्ण दिवाकर किरकोळ स्वरूपात जखमी असल्याचे सांगण्यात आले असले तरी वनविभागाच्या वतीने जखमी रूग्णांची देखभाल करण्यात येत असल्याने सांगण्यात आले.या आधी आठ महिन्यांपूर्वी कावडपेठ येथील जंगलात गुरनुले नामक इसमावर वाघाने हल्ला करून ठार केले आहे.
0 Comments