बल्लारपूर-आलपल्ली मार्गावर भीषण अपघात : दुचाकी व ऑटोची धडक ; 1 ठार 4 जखमी
बल्लारपूर(राज्य रिपोर्टर) : बल्लारपूर-आलपल्ली मार्गावर दहेली गावाजवळील पुलाच्या परिसरात दुचाकी व ऑटोची समोरासमोर भीषण धडक झाली या अपघातात एकाचा मृत्यू झाला तर 2 गंभीर जखमी झाले असून त्यांच्यावर चंद्रपूर येथील जिल्हा सामान्य रुग्णालयातील अतिदक्षता विभागात उपचार सुरू आहे तर उर्वरित 2 व्यक्तींच्या हाता व पायाला दुखापत झाल्याची माहिती असून त्यांच्यावर प्राथमिक उपचार करण्यात आले आहे.
या संदर्भात मिळालेल्या माहितीनुसार काल सायंकाळी 6 वाजताच्या दरम्यान बामणी ते दहेली मार्गावर ऑटो क्रमांक एमएच 34 डी 4843 आणि दुचाकी क्रमांक एमएच 34 ए झेड 8610 या वाहनांची समोरासमोर धडक झाली बल्लारपूर वरून येतांना सदर अपघात घडल्याची माहिती आहे मिळालेल्या माहितीनुसार ऑटोरिक्षा चालकाचा ताबा सुटल्यामुळे समोरून येणाऱ्या दुचाकीवर आटोने धडक दिल्यामुळे सदर अपघात घडला आहे या दुर्दैवी अपघातात ऑटोरिक्षात बसलेल्या प्रतिक भोला बक्षी वय-23 यांचा जागीच मृत्यू झाला तर साईनाथ मोरेश्वर आत्राम, वय-28, व प्रदीप भीमराव खेरकर यांना गंभीर दुखापत झाल्यामुळे या अपघात ग्रस्तांना जिल्हा सामान्य रुग्णालयातील अतिदक्षता विभागात उपचार सुरू आहे विशेष बाब म्हणजे मृतक आणि जखमी हे दोन्ही दहेली गावातील रहिवासी आहे तर दुचाकीस्वार रवी पोपेश्वर मानकर, वय-24, व गौरव आंद्रेश रंगारी, वय-36 हे दोघेही रा.जाम तुकुम, पोंभुर्ण येथील असून यांच्या हात व पायाला दुखापत झाली आहे विशेष बाब म्हणजे हे दोघेही आपल्या नातेवाईकाच्या मृत्यू संदर्भात उपस्थित राहण्यासाठी लक्कडकोट ला गेले होते प्रत्यक्षदर्शीच्या माहितीनुसार ऑटो हा विरुद्ध दिशेने येताना अपघात घडला आहे या घटनेचा पुढील तपास बल्लारपूर चे पोलीस निरीक्षक उमेश पाटील यांच्या मार्गदर्शनाखाली सपोनि प्रमोद रासकर आपल्या चमुसह करीत आहे.
0 Comments